有線寬頻：曾蔭權對港進TPP持開放態度
雖然喺北京心目中，TPP係架空APEC，重建太平洋島鏈嘅一步。但曾蔭權係資深嘅經濟官員出身，佢好清楚，香港經濟依靠美國多於中國，所以佢係想入TPP。
佢同時提及香港特區護照Visa Waiver Program問題，係俾位美國上。因為亞洲四小龍裡面，新加坡同大韓民國已經免簽，如果台灣都免簽埋嘅話，兩隻香港主要使用護照幾時免簽，肯定係美國一著好有力嘅武器。
特別美國嘅電子授權系統，係有BN(O)嘅選項，關島試驗免簽，BN(O)係當United Kingdom Passport嚟處理，所以美國只要將BN(O)撥番入UK果度，BN(O)免簽就可以即刻生效。 BN(O)拒簽率、護照設計同申領程序同英國本土大致一樣，所以唯一阻力喺美國對華政策度。
如果香港入TPP，相信美國有可能對特區護照特殊處理（但特區護照設計亦可能要特別處理，睇會唔會恢復HKG代碼），同時俾BN(O)同特區護照免 簽，但如果北京唔俾香港玩嘅話，美國只係俾BN(O)美國免簽，美國厚待英籍香港人，將會係北京苦心資助特區護照咁多年最大打擊，幾乎等於一鋪清袋。
後話：台灣如果真係要美國免簽，由於台灣係有無居留權嘅華僑護照，所以要夾台灣身份證嚟用。我相信如果特區護照免簽，美國以安全理由，有機會係只限香港、澳門等地出生人士，中國出生俾唔俾，係另一個技術問題。
http://blog.martinoei.com/2011/11/tpp%E8%88%87%E7%89%B9%E5%8D%80%E8%AD%B7%E7%85%A7%E7%BE%8E%E5%9C%8B%E5%85%8D%E7%B0%BD%E6%99%82%E9%96%93%E8%A1%A8/?utm_source=feedburner&utm_medium=feed&utm_campaign=Feed%3A+MosNotebook375g+%28MO%27s+notebook+3.75G%29
